Edukinera joan | Menu nagusira joan | Ataletara joan

Gipuzkoako Foru Aldundiaren Logoa
Gipuzkoakultura logotipoa

Loading

2016-09-24 / 2016-12-18

"Soineko paisaia" (2009-2015) Igartubeitin

Publikoa:

 
Nader Koochakiren "Soineko paisaia"

Gipuzkoako ehun burutik gorako artaldeen zintzarri hotsen artxiboa, Nader Koochakiren proiektua, Igartubeiti Baserri Museoko interpretazio zentroan izango da irailaren 24tik abenduaren 18rarte.

"Soineko Paisaia", ehun burutik gorako Gipuzkoako artaldeen zintzarri hotsen soinu artxibo bat da, 2008an abiatu eta, orain arte, 100 soinu grabaketa inguru bildu dituena. Grabaketa bakoitza, landa-laneko ohar koaderno baten gisan, fitxa banarekin osatzen da. Fitxa horietan, artzaina eta artaldea identifikatu, lokalizazioaren berri eman, grabaketa baldintzak aipatu eta egoeraren eta gaiaren gogoetak txertatzen dira.

"Soineko Paisaia" egitasmoa, Gipuzkoako Foru Aldundiaren laguntzarekin, artzaintzaren gaia jorratzeko, 2008. urtean zabaldutako lan-ildo zabalago baten parte da. Lan-ildo hori adarkadura nagusi bik egituratu zuten, artzaintzaren jarduera, pentsamendu mendebaldarraren oinarrizko eskemaren eredu gisa hartuz (subjektu-bitartekari-objektu hirukoa) eta euskal kulturaren irudi esanguratsu bezala:

Lehenengo adarkadura, Oñatiko Artzain Txakur Txapelketa Internazionalaren baitan garatutako ikerketa, interbentzio eta edizio lan multzo bat izan zen. Lan horiek formatu desberdinetan erakutsi dira, hala bakarkako nola taldekako erakusketetan, ponentzia formatuan zein artikulu akademiko gisan ere bai: Interactivos? '09 (2009); Biolentzia Errepikapena (2010); XXXXX (2010); Sobre la representación del pastoreo (2010); Entre ovejas, pastores y perros. Crónica de una intervención artística en clave ANT (2010) MOPCAP (2015).

Bigarren adarkadura (Soineko Paisaia), soinuaren bidetik, paisaia eta artzaintzaren jarduera lantzeko metodologia, artxibo baten osaketa eta artikulazioan oinarritu da. Lana, landa lanak gidatu badu ere, une eta gune desberdinetan, agente desberdinen gonbidapenei erantzunez, formatu desberdinetan erakutsi izan da: 2010.urtean ZoOo, hitz basatia talde erakusketan lagin batzuk erakutsi ziren; urte berean, Artelekuko Zehar aldizkarirako eta Hots irratirako artikulua eta lokuzioak prestatu ziren; 2013. urtean, Bulegoa z/b-rekin elkarlanean, 3 eguneko tailer-txangoa antolatu zen Aralarren; 2015. urtean Donostiako Tabakalerako Ikus-entzunezkoaren aldiriak, Ingurua marrazten duten puntuak erakusketan aurkeztu zen eta orain Igartubeiti Baserri Museoan.

Urteotan jasotako materialek erakusten dute artzaintzaren jarduerak, agente gisa, Gipuzkoako soinu paisaiaren ehuntzean duen eragina. Fenomenora gerturatzeko erabilitako metodologiak berriz, Aktore Sarearen Teoriaren ildotik (ingelerazko ANT), paisaia, artea eta gizarte zientziak eraiki eta irakurtzeko modu propioa proposatzen du. Gogoeta eta landa lanek entsanblaia eragiketa bati bide utzi diote orain, kontsultatu zein eraldatu daitekeen forma eta eduki bat jendartearen eskuetan utziz.

Erakusketak Gordailuatik, Gipuzkoako Foru Aldundiko  Kultur Ondare Higigarriaren Zentrotik ekarritako 8 zintzarrien bilduma elkartzen du.

Nader Koochaki (1983, Donostia) soziologian lizentziatua da eta 2008 urtetik aurrera artearen alorrean garatu du bere lana. Bideoaren, argazkiaren eta soinuaren alorrean ekarpen nabarmenak egin ditu. Orain arte, Naderren lanak ondorengo lekuetan erakutsiak izan dira: Arteleku, Arabako Lurralde Historikoaren Artxiboa, Donostiako Cristina Enea Fundazioa, Bilboko Bizkaia Aretoa, Egiako Kultur Etxea, Miarritzeko Mediateka, Baionako Euskal Museoa, Bilboko Club Le Larraskito, Bartzelonako Antoni Tàpies Fundazioa, Gasteizko Artium Museoa, Dubaiko MOP, Londreseko Edge of Arabia eta Donostiako Tabakalera. Artista desberdinekin egindako kolaborazio lanak ere aipagarriak dira, hala nola, Ibon Aranberri, Usue Arrieta eta Vicente Vázquez, Ingrid Buchwald eta Carme Nogueirarekin lan egin du.

"Soineko Paisaia" (2009-2015) Igartubeiti Baserri Museoko Interpretazio zentroan izango da irailaren 24tik abenduaren 18rarte. 

Ordutegia: 

Urriaren 31a bitarte:

Asteazkenetik-Igandera:

10:00-14:00 / 16:00-19:00

Azaroaren 1etik aurrera:

Asteazkenetik-Ostiralera: 10:00-14:00

Larunbat eta igande:

10:00-14:00 / 16:00-19:00

 
Nere ibilbidera gehitu erakusketa
 
Compartir

Itzuli

HARREMANAK

  • Jabetasuna: Gipuzkoako Foru Aldundia
  • Telefonoa: Tel.: +34 943 725 107 Fax.: +34 943 880 138
  • E-maila: igartubeiti@gipuzkoa.net
  • Webgunea: webgunea ikusi
  • Helbidea: Ezkio Bidea. 1.km
    20709 EZKIO-ITSASO - Ezkio-Itsaso - mapa ikusi

ORDUTEGIAK

SARREREN PREZIOA

Sarrera Doan: Ostegunero, ICOM-eko kideak, 10 urtetik beherakoak eta Betizu bazkideak.Orokorra: 3,00 €Murriztua: 1,50 € (ikasle, talde, jubilatu, langabe, Nekatur-eko bezero, Eusko Ikaskuntza eta Hirukide bazkideak):Bisita gidatuak: 1,00 €Bisita bateraturako eskaintza: Zumalakarregi Museoarekin bisita bateraturako bonoa: 5 €

EKIPAMENDUAK ETA ZERBITZUAK

  • Hizkuntza: frantsesa
  • Hizkuntza: ingelesa
  • Hizkuntza: euskara
  • Hizkuntza: gaztelania
  • Argitalpen propioak
  • Hitzaldi-Aretoa
  • Gela didaktikoa
  • Kanpoko ibilbideak
  • Haur parkea kanpoan
  • Lorategia
  • Denda
  • Lehiatila / Kontsigna
  • Salmenta makinak
  • Atseden lekuak
  • Igogailua
  • Sarrera egokitua
Creative Commons lizentzia. Irakurtzeko hemen zapaldu
2019 Kultura Zuzendaritza Nagusia - Gipuzkoako Foru Aldundia.
Logotipo Gipuzkoa.net. Sakatu Gipuzkoa.net web gunera joateko.