Sagardoetxea Museoak sagarraren eta sagardoaren historia eta errealitatera gerturatzeko hiru gune dauzka: sagastia, museo-gunea eta dastaketa-gunea.

Sagastia aire librean dagoen gunea da, sagarraren kultura modu dinamiko eta pedagogikoan gozatzeko aukera ematen duena.. Hemen sagar barietateak, txertaketak, sagarraren heldutasunaren jarraipena eta sagarra biltzeko moduak ikusteko aukera dago eta sagarraren zanpaketa eta prentsaketa burutzen dira.

Sagastiaren alboan museo gunea dago. Leku itxia da eta baliabide eta teknologia aurreratuenak ditu sagarra eta sagardoaren mundu zirraragarriaren historia, iragana, oraina eta etorkizuna ezagutzeko eta sagardoak Euskal Herriko kulturan duen garrantzia azaltzeko. Panel informatiboak, material interaktiboa, argazkiak eta jokoak erabiltzen dira azalpenetarako.

Sagardoetxearen hirugarren gunea sagardoa txotx eran dastatzeari eta Gozo Gozo markako beste produktuen dastaketari eskeinia dago: sagar muztioa, likorea eta sagar dultzea. Txotx-aren errituaren azalpena egiten dugu sagardotegira joan aurretik sagardoaren dastaketaren inguruko erritual eta sekretuak ezagutzeko: edalontzia hartzeko modua, txinparta egokia lortzeko modua, kolorearen azterketa eta esanahia eta usaimen azterketa.

Aurten "Santiagomendiko Sagardo Bidea" ibilbide tematikoa martxan jarri da. Ibilbide honetan, sagardoaren kulturaren bitartez, Santiagomendiko baserrien eta Astigarragako historia harrigarria, bertako biztanleen bizimodua eta Santiago Bidearen Gipuzkoan zeharko punturik adierazgarrienetarikoa ezagutzeko aukera izango duzu.

Programa didaktikoa:

Sagardoetxeak ikastola, euskaltegi eta aisialdi taldeei zuzenduriko programa didaktikoa dauka:

- Ikastolentzako programa didaktikoa.

- Euskaltegientzako programa didaktikoa.

- Aisialdi taldeentzako programa didaktikoa.

- Bisita gidatuak urtaro bakoitzerako jarduerekin.

Sagardoaren kulturako esperientziak::

Sagardoetxeak sagardoaren kulturan barneratzeko esperientzia ezberdinak proposatzen ditu:

- "Sagardoa eta itsasoa"; museoetara bisita, sagardotegian bazkaria eta itsasontzian ibilaldia.

- Sagardoetxeako bisita + Bazkaria/edo afaria sagardotegian.

- Sagardoetxea + Igartubeiti bisita.

- Sagardoa eta Idiazabalgo gaztaren ibilbide gastronomikoa.

- "Santiagomendiko Sagardo Bidea" ibilbide tematikoa.