Julio Beobide zumaiarra 1891n jaio, eta 1969an hil zen. Hainbat eskultura lan egin zituen artista honek, beti bide pertsonala bati jarraituz. Ia bizitza osoa Zumaiatik irten gabe eman zuen. Euskal Herriko eskulturaren barruan, XIX. mende bukaeran jaio ziren artisten belaunaldian sailkatuko genuke. Gerra Zibila ezagutu zutenen belaunaldia da, eta ezaugarrien artean errealismo kostunbrista egiten zutela aipatu behar da.

Beraz, Beobidek euskal eredu herrikoiak eta eskultura erlijiosoa landu zuen nagusiki. Gaiak irudikatzeko, mende hasierako formaren esentziaren aldeko joerak aukeratu zituen, apaingarrizko xehetasunak alde batera utziz. Horren eraginez, eskultura soil eta gogorrak egin zituen, askotan irudigintzaren errealtasun tradizionala berrituz eta espresioaren bideak exajeratuz (esaterako, Kristoak).

Eskultorearen lantokian museoa egin da, eta, bertan, zirriborroak eta artelanak ikusteko aukera dago gaur egun. Hainbat material landu bazituen ere, egurra zuen gogokoen, eta material horri lantzen ari zen heriotza iritsi zitzaionean: bukatu gabe utzi zuen egiten ari zen Kristo hilaren irudia.

Inguruko argibide turistikoa

Getaria, Orio, Zarautz, Aiaeta Zumaiako udalerriekosatzen duten Euskal Kostaldeko eskualdea duzu Urola Kosta. Patxadaz hartu. Presarik gabe. Aztertu herri bakoitza, aukeratu natura, ondarea, kirola, museoak, itsasoa, Santiago Bidea...edo bakoitzarekin disfrutatu, etekina atera bertako gastronomiari, bertako txakolinari, hau da, itsaso-aren haize leunak ferekatuta hazten den eta jatorrizko deitura duen ardo zuriari.

Ibaiak, itsasoak eta mendiek inguru ezin hobea eskaintzen dute paseatzeko, bizikletan ibiltzeko eta era askotako kirolak egiteko: arrantza, arrauna, igeriketa, parapentea, piraguismoa, surfa, windsurfa...Sentitu eskualde honetako biztanleen bizimodua etaegunerokotasuna, imajina ditzakezun baino plan gehiago eskainiko dizkizute.

Urola Kostako eskuliburua (PDF)

Gipuzkoa %100 eskuliburua (PDF)

GureGipuzkoa argazkiak partekatzeko dohaineko webgune bat da, Gipuzkoako Foru Aldundiko Kultura Zuzendaritzak sortu eta bultzaturikoa. Bertan dauden Urola Kostako argazkiak ezagutu nahi badituzu, Gure Gipuzkoa.

"XIX. mendeko albuma" Euskal Herriari buruzko 4.000 irudi inguru dituen kultur webgune bat da. Irudiak Gipuzkoako Foru Aldundiaren funtsetakoak dira eta kultur zentro desberdinetan daude kokatuta. Urola Kostako zenbait herrik XIX.mendean zuten itxura ezagutu nahi baduzu: Getaria, Zarautz eta Aia.

Urola Kosta Flickr-n.

Erlazionatutako ibilbideak

• Gipuzkoako Baliabide Turistikoen Gida 2011-2012
• Artea Gipuzkoan